Mera dil badal day Lyrics

Mera dil badal de, Mera dil badal day
Mera dil badal de, Mera dil badal day
Mera ghaflat me dooba dil badal day

Hawa-o-hirs wala dil badal day
Mera ghaflat me dooba dil badal day

Khudaya fazl farma dil badal day
Badal de dil ki duniya dil badal day
Mera ghaflat me dooba dil badal day

Gunahgaari me kab tak umr kaatun
Badal de mera rasta dil badal day

Sunun main naam tera dhadkanon mein
Maza aa jaye maula dil badal day
Mera ghaflat me dooba dil badal day

Hata lun aankh apni Maa-sivaa se
Jiyun main teri khatir dil badal day
Mera ghaflat me dooba dil badal day

Karun qurbaan apni sari khushiyan
Tu apna gham ata kar dil badal day
Mera ghaflat me duba dil badal day

Mera dil badal de, Mera dil badal day
Mera dil badal de, Mera dil badal day

Para hoon tere dar par Dil shikasta,
Rahun kyun dil shikasta dil badal day
Mera ghaflat me dooba dil badal day

Tera ho jaaun itni aarzoo hai
Bas itni hai tamanna dil badal day

Meri fariyaad sun le mere maula
Banale apna banda dil badal day
Mera ghaflat me dooba dil badal day

Ilahi Teri Chaukhat Par Bhikhari Ban Ke Aya Hoon

Ilahi Teri Chaukhat Par Bhikhari Ban Ke Aya Hoon
Sarapa faqr hoon, ijz-o-nadamat saath laya hoon

Bhikhari wo ke jiske paas jholi hai na pyala hai
Bhikhari wo jise hirs-o-hawas ne maar dala hai
Mataa-e-deen-o-danish nafs ke hathon se lutwa kar
Sukoon-e-qalb ki daulat hawas ki bhent chadhwa kar
Luta kar saari poonji ghaflat-o-isyaan ki daldal me
Sahara lene aya hoon tere kaabe ke aanchal me

Gunahon ki lipat se qaynat-e-qalb afsurda,
Irade muzmahil, himmat shikasta, housle murda
Kahan se laaun taqat dil ki sachhi tarjumani ki
Ke kis jhanjhal me guzri hain ghadiyan zindgani ki
Khulasa ye ke bas jal bhun ke apni roo-siyahi se
Sarapa faqr ban kar apni halat ki tabahi se

Tere darbar me laya hoon apni ab zaboon-haali,
Teri chokhat ke laiq har amal se hath hain khali
Ye tera ghar hai tere mehr ka darbar hai maula
Sarapa noor hai ek mohabbat-e-anwaar hai maula
Teri chokhat ke jo adaab hain main un se khali hun
Nahi jisko saleeqa mangne ka wo sawaali hoon

Zuban ghalt-e-nadamat dil ki naakas tarjumaani per
Khudaya raham meri iss zabaan-e-ijz-zabani par
Ye aakhen khushk hain, yaa rab inhe rona nahi aata
Sulagte daag hain dil me, jinhe dhona nahi aata
Ilahi teri chokhat per bhikhari ban ke aya hoon
Sarapa faqr hoon, ijz-o-nadamat saath laya hoon

Ilahi teri chokhat per bhikhari ban ke aya hoon
Sarapa faqr hoon, ijz-o-nadamat saath laya hoon

Darbar me hazir hai ek banda-e-awara

Darbar me hazir hai ek banda-e-awara
Aaj apni khataaon ka laade hue pushtara

Sar gashta-o-darmanda be-himmat-o-nakara
Warafta-o-sargardan be-maya-o-bechara

Shaitan ka sitam khurdan is nafs ka dukhiyara
Har simt se ghaflat ka ghere hue andhiyara

Aaj apni khataaon ka laade hue pushtara,
Darbar me hazir hai ek banda-e-awara

Jazbaat ki maujon me lafzon ki zuban gum hai
‘Alam me tahayyur ka yaraan-e-bayan gum hai

Mazmoon jo socha tha kya jane kahan gum hai
Aankhon me bhi ashqon ka ab naam-o-nishan gum hai

seene me sulagta hai rah rah ke ek angara
darbar me hazir hai ek banda-e-awara

Aaj apni khataaon ka laade hue pushtara,
Darbar me hazir hai ek banda-e-awara

Aya hun tere dar par khamosh nawan lekar
Neki se nahi daman ambar-e-khata le kar

Lekin teri chaukhat se ummeed sakha le kar
‘Amal ki zulmat me taubah ki ziya le kar

Seene me talatum hai dil sharm se sahdqara
darbar me hazir hai ek banda-e-awara

Aaj apni khataaon ka laade hue pushtara,
Darbar me hazir hai ek banda-e-awara

Ummeed ka markaz ye rahmat se baradar hai
Is ghar ka har ek zarrah rashq-e-mahoakhtar hai

Mahroom nahi koi jis dar se ye wo dar hai
Jo iska bhikhari hai qismat ka sikandar hai

Ye noor ka qulzam hai ye aman ka fawwara
darbar me hazir hai ek banda-e-awara

Aaj apni khataaon ka laade hue pushtara,
Darbar me hazir hai ek banda-e-awara

Ye kaaba karishma hai ya rab teri qudrat ka
Har lamha yahan jaari mizab hai rahmat ka

Har aan barasta hai un teri sakhawat ka
Mazhar hai ye bandon se khaliq ki muhabbat ka

Is ‘alam-e-pasti me azmat ka ye jobara
Darbar me hazir hai ek banda-e-awara

Aaj apni khataaon ka laade hue pushtara,
Darbar me hazir hai ek banda-e-awara

Ya rab mujhe duniya me jeene ka kareena de
Mere dil-e-wiran ko ulfat ka khazeena de

Sailab moasi me ta’at ka safeena de
Hasti ke andheron ko anwar-e-madina de

Phir dahar me phaila de iman ka ujiyara
darbar me hazir hai ek banda-e-awara

Aaj apni khataaon ka laade hue pushtara,
Darbar me hazir hai ek banda-e-awara

Ya rab meri hasti par kuchh khas karam farma
Bakhshe hue bando me mujh ko bhi raqam farma

Bhatke hue raahi ka rukh suye haram farma
Duniya ko ‘ataat se ghulzar-e-iram farma

Kar de mere maazi ke har saans ka kaffara
darbar me hazir hai ek banda-e-awara

Aaj apni khataaon ka laade hue pushtara,
Darbar me hazir hai ek banda-e-awara

Har khata pe sharamsar hun main Lyrics

Har khata pe sharamsar hun main
Ae khudaya gunahgar hun main

Jaankar bhoolkar jo kiya hai
Hai pata mujhko uski saza hai
Teri chaukhat pe sar na jhukaya
Bas zamane ko apna banaya
Teri rahmat hi to asra hai
Tujh se kahne ko kuchh na bacha hai

Mere sajdon pe aisi nazar kar
Main andheron me hun tu sahar kar
In duaon me aisa asar de
Rabb-e-kaaba mujhe maaf kar de
Nekiyon se mujhe jod de tu
Phir mera rukh udhar mod de tu
Aisa rasta mujhe tu dikha

Har khata par sharamsar hun main
Ae khudaya gunahgar hun main

Mere sajdon pe aisi nazar kar
Main andheron me tu sahar kar
Maaon se badh ke hai pyar tera
Aur tere siwa kaun mera
Gir na jaun mujhe tu utha

Har khata par sharamsar hun main
Ai khudaya gunahgar hun main

Jankar bhoolkar jo kiya hai
Hai pata mujhko uski saza hai
In duaon me aisa asar de
Rabb-e-kaaba mujhe maaf kar de
Mere ansoon sawali hain tere
Gir rahen hain ye daman pe mere
Ab to sun le meri ae khuda

Har khata par sharamsar hun main
Ai khudaya gunahgar hun main
Jankar bhulkar jo kiya hai
Hai pata mujhko uski saza hai

Teri chaukhat pe sar na jhukaya
Bas zamane ko apna banaya
Teri rahmat hi to asra hai
Tujh se kehne ko kuchh na bacha hai
Mere sajdon pe aisi nazar kar
Main andheron me hun tu sahar kar
In duaon me aisa asar de
Rabb-e-kaaba mujhe maaf kar de

Mujhy un logon ki parwa nahi jo...